Category Archives: ಕಾರ್ಯಕ್ರಮಗಳು

ದೆಹಲಿ ಭಾಷಾ ಹಕ್ಕುಗಳ ಬೇಡಿಕೆಗಳು

2016ರ ವಿಶ್ವ ತಾಯ್ನುಡಿ ದಿನದಂದು ಭಾರತದ ಬೇರೆ ಬೇರೆ ನುಡಿ ಸಮುದಾಯಗಳ ಉತ್ಸಾಹಿಗಳು ದೆಹಲಿಯಲ್ಲಿ ಸೇರಿ “ದೆಹಲಿ ಭಾಷಾ ಹಕ್ಕುಗಳ ಬೇಡಿಕೆಗಳು” ಎಂಬ ಕಡತದ ಬಿಡುಗಡೆಗೆ ಸಾಕ್ಷಿಯಾದರು. ಭಾರತದ ಎಲ್ಲಾ ನುಡಿ ಸಮುದಾಯಗಳಿಗೂ ಇರುವ ಸಮಾನ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳಿಂದ ಬೆಂಬಲ ಕೋರುವ ಘೋಷಣಾ ಪತ್ರ ಇದಾಗಿದೆ.

ಈ ಕಾರ್ಯಕ್ರಮವನ್ನು ಕ್ಲಿಯರ್/ C.L.E.A.R (Campaign for Language Equality and Rights) ಎಂಬ ಸಂಸ್ಥೆಯು ದೆಹಲಿಯ ಪ್ರೆಸ್ ಕ್ಲಬ್ಬಿನಲ್ಲಿ ಆಯೋಜಿಸಿತ್ತು. ಕಡತದ ಬಿಡುಗಡೆಯ ನಂತರ ಪತ್ರಿಕಾ ಗೋಷ್ಠಿಯನ್ನೂ ಆಯೋಜಿಸಲಾಗಿತ್ತು.  ಭಾರತದಾದ್ಯಂತ ಹಲವಾರು ಭಾಷಿಕರು ತಮ್ಮ ನುಡಿಯ ಉಳಿವಿಗಾಗಿ ಜೀವ ತೆತ್ತ ಹುತಾತ್ಮರ ಆತ್ಮಕ್ಕೆ ಶಾಂತಿ ಕೋರಿ ಮೇಣದ ಬತ್ತಿಯ ದೀಪದ ಮೆರವಣಿಗೆಯನ್ನೂ ಸಂಜೆ ಆಯೋಜಿಸಲಾಗಿತ್ತು.

“ಡೆಲ್ಲಿ ಡಿಮಾಂಡ್ಸ್ ಆಫ಼್ ಲ್ಯಾಂಗ್ವೇಜ್ ರೈಟ್ಸ್” ಕಡತವನ್ನು ಓದಲು ಕೆಳಗಿನ ಕೊಂಡಿಯನ್ನು ಕ್ಲಿಕ್ ಮಾಡಿ:
ದೆಹಲಿ ಭಾಷಾ ಹಕ್ಕುಗಳ ಬೇಡಿಕೆಗಳು

ಕಾರ್ಯಕ್ರಮದ ಕೆಲ ಚಿತ್ರಗಳು ಇಲ್ಲಿವೆ:

This slideshow requires JavaScript.

Advertisements

ಭಾರತಕ್ಕೆ ಬೇಕು ಸಮಾನತೆಯ ಭಾಷಾನೀತಿ

ಜನವರಿ 24, 2016 ರಂದು ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದಲ್ಲಿ ಏರ್ಪಡಿಸಲಾಗಿದ್ದ “ಭಾರತಕ್ಕೆ ಬೇಕು ಸಮಾನತೆಯ ಭಾಷಾನೀತಿ – ಒಂದು ಚಿತ್ರಪ್ರದರ್ಶನ” ಕಾರ್ಯಕ್ರಮ ಏರ್ಪಡಿಸಲಾಗಿತ್ತು . ಚಿತ್ರಪ್ರದರ್ಶನಕ್ಕೆ ಹಲವಾರು ಜನರು ಭೇಟಿ ಕೊಟ್ಟು, ಸಮಾನತೆಯ ಭಾಷಾನೀತಿಯ ಬಗ್ಗೆ ಮಾಹಿತಿ ಪಡೆದುಕೊಂಡರು. ಅಲ್ಲದೇ, ಸಮಾನತೆಯ ಭಾಷಾನೀತಿಗಾಗಿ ಒತ್ತಾಯಿಸುವ ಪತ್ರಕ್ಕೆ ಸಹಿ ಮಾಡುವ ಮೂಲಕ ತಮ್ಮ ಬೆಂಬಲವನ್ನು ತೋರ್ಪಡಿಸಿದರು. ಚಿತ್ರಪ್ರದರ್ಶನದ ಕೆಲವು ಆಯ್ದ ಚಿತ್ರಣಗಳನ್ನು ಈ ಕೆಳಗಿನ ವಿಡಿಯೋದಲ್ಲಿ ನೋಡಬಹುದಾಗಿದೆ.

ಚಿತ್ರಪ್ರದರ್ಶನ : ಭಾರತಕ್ಕೆ ಬೇಕು ಸಮಾನತೆಯ ಭಾಷಾ ನೀತಿ

ಭಾರತ ಒಕ್ಕೂಟದಲ್ಲಿ ಸಮಾನ ಭಾಷಾನೀತಿಯ ಅಗತ್ಯತೆಯನ್ನು ಬಣ್ಣಿಸುವ ಚಿತ್ರಪ್ರದರ್ಶನವೊಂದನ್ನು ಬನವಾಸಿ ಬಳಗವು 2016ರ ಜನವರಿ 24, ಭಾನುವಾರದಂದು ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದ ಆರ್ಟ್ ಗ್ಯಾಲರಿಯಲ್ಲಿ ಹಮ್ಮಿಕೊಂಡಿತ್ತು. ಬೆಳಿಗ್ಗೆ 10.30ರಿಂದ ಸಂಜೆ 3.30ರವರೆಗೆ ನಡೆದ ಚಿತ್ರಪ್ರದರ್ಶನದ ಕೆಲವು ಆಯ್ದ ಚಿತ್ರಗಳು ಇಲ್ಲಿವೆ.

pic7pic4pic6 pic5 pic8 pic1  pic3pic9

ಚಿತ್ರಪ್ರದರ್ಶನ : ಭಾರತಕ್ಕೆ ಬೇಕು ಸಮಾನತೆಯ ಭಾಷಾ ನೀತಿ

ಭಾರತ ಸಂವಿಧಾನದ ಎಂಟನೇ ಪರಿಚ್ಚೇದದಲ್ಲಿ ಗುರುತಿಸಲಾಗಿರುವ ಎಲ್ಲ 22 ಭಾಷೆಗಳನ್ನೂ ಒಕ್ಕೂಟ ಸರಕಾರದ ಅಧಿಕೃತ ಭಾಷೆಗಳನ್ನಾಗಿಸಬೇಕು ಅನ್ನುವ, ಸಮಾನ ಭಾಷಾನೀತಿಗಾಗಿ ಒತ್ತಾಯಿಸುವ ಬಗ್ಗೆ ಬನವಾಸಿ ಬಳಗವು, 2015ರ ಸೆಪ್ಟೆಂಬರ್ 13 ಭಾನುವಾರದಂದು ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದ ಆರ್ಟ್ ಗ್ಯಾಲರಿಯಲ್ಲಿ ಚಿತ್ರಪ್ರದರ್ಶನವೊಂದನ್ನು ಹಮ್ಮಿಕೊಂಡಿತ್ತು. ಬೆಳಿಗ್ಗೆ 10.30ರಿಂದ ಸಂಜೆ 4.30ರವರೆಗೆ ನಡೆದ ಚಿತ್ರಪ್ರದರ್ಶನದ ಕೆಲವು ಆಯ್ದ ಚಿತ್ರಗಳು ಇಲ್ಲಿವೆ.

42 63 73 13 23 33

ಚೆನ್ನೈ ಭಾಷಾ ಹಕ್ಕುಗಳ ಘೋಷಣೆ

ಭಾರತ ಒಕ್ಕೂಟ ಸರಕಾರವು ಹಿಂದಿ ಮತ್ತು ಇಂಗ್ಲೀಷ್ ಭಾಷೆಗಳನ್ನು ಮಾತ್ರ ಅಧಿಕೃತ ಭಾಷೆಗಳೆಂದು ಗುರುತಿಸಿ, ಹಿಂದಿ ಭಾಷೆಯ ಬೆಳವಣಿಗೆಗೆ ಮಾತ್ರ ಹೆಚ್ಚಿನ ಸಂಪನ್ಮೂಲವನ್ನು ಒದಗಿಸುತ್ತಾ ಬಂದಿರುವುದು, ಹಿಂದಿಯೇತರ ನುಡಿಗಳಿಗೆ ಹಲವಾರು ವಲಯಗಳಲ್ಲಿ ಹಿನ್ನಡೆಯನ್ನುಂಟುಮಾಡಿದೆ. ನೇರವಾಗಿ ಜನರ ಒಡನಾಟವಿರುವ ಹಲವಾರು ವಲಯಗಳಲ್ಲಿ ಸಹಜವಾಗಿ ಜನರ ನುಡಿಯೇ ಬಳಕೆಯಾಗಬೇಕಿದ್ದು, ಅಂತಹ ಕಡೆಗಳಲ್ಲಿಯೂ ಹಿಂದಿಯೇತರ ನುಡಿಗಳಿಗೆ ಜಾಗ ಮತ್ತು ಮನ್ನಣೆ ಸಿಗದೇ ಇರುವುದು ಕಂಡುಬರುತ್ತಿದೆ. ಭಾರತ ಸಂವಿಧಾನದ ಎಂಟನೇ ಪರಿಚ್ಛೇದದಲ್ಲಿ ಸೇರ್ಪಡೆಗೊಂಡಿರುವ ಭಾಷೆಗಳಿಗೇ ಇವತ್ತು ಇಂತಹ ಸವಾಲು ಎದುರಾಗಿದ್ದು, ಸಹಜವಾಗಿ ಅ ಎಲ್ಲಾ ಭಾಷಿಕರನ್ನು ಕಳವಳಕ್ಕೀಡುಮಾಡಿದೆ. ಕಡಿಮೆ ಎಣಿಕೆಯ ಭಾಷಿಕರನ್ನು ಹೊಂದಿರುವ ನುಡಿಗಳು ಜಾಗತೀಕರಣದ ಸವಾಲುಗಳು ಮತ್ತು ಭಾರತ ಒಕ್ಕೂಟ ಸರಕಾರದ ಹಿಂದಿ ಹೇರಿಕೆ ನೀತಿಗಳ ಎದುರು, ಎಂದೆಂದಿಗೂ ಮರೆಯಾಗಿ ಹೋಗುವ ಗಂಭೀರ ಪರಿಸ್ಥಿತಿಯನ್ನು ಎದುರಿಸುತ್ತಿವೆ.

ಭಾರತ ಒಕ್ಕೂಟದಲ್ಲಿ ಭಾಷಾ ಹಕ್ಕುಗಳ ಕಡೆಗಣನೆ ನಡೆಯುತ್ತಿದ್ದು, ಹಿಂದಿಯೇತರ ನುಡಿಗಳನ್ನಾಡುವ ಜನರ ಕಳವಳಕ್ಕೆ ಭಾಷಾ ಹಕ್ಕುಗಳ ಕಡೆಗಣನೆ ಮುಖ್ಯವಾದ ಕಾರಣವಾಗಿದೆ. ಈ ಹೊತ್ತಿನಲ್ಲಿ ಭಾಷಾ ಹಕ್ಕುಗಳ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವ ಸಲುವಾಗಿ, ಮತ್ತು ಭಾಷಾ ಹಕ್ಕುಗಳನ್ನು ಎತ್ತಿ ಹಿಡಿಯುವಂತೆ ಒಕ್ಕೂಟ ಸರಕಾರ ಹಾಗೂ ರಾಜ್ಯ ಸರಕಾರಗಳನ್ನು ಒತ್ತಾಯಿಸುವ ಸಲುವಾಗಿ, ಇದೇ ಸೆಪ್ಟೆಂಬರ್ ತಿಂಗಳ 19 ಮತ್ತು 20ರಂದು ಚೆನ್ನೈನಲ್ಲಿ ’ಭಾಷಾ ಹಕ್ಕುಗಳ ಸಮ್ಮೇಳನ’ವನ್ನು ‘ತಮಿಳು ಮೋಳಿಯುರಿಮೈ ಕೂಟ್ಟಿಯಕ್ಕಂ’ (ತಮಿಳು ಭಾಷಾ ಹಕ್ಕುಗಳ ಒಕ್ಕೂಟ) ವತಿಯಿಂದ ಆಯೋಜಿಸಲಾಗಿತ್ತು. ಸಮ್ಮೇಳನದಲ್ಲಿ ಶೈಕ್ಷಣಿಕ ಮತ್ತು ಭಾಷಾ ಹಕ್ಕುಗಳ ಹೋರಾಟಗಾರರು ಪಾಲ್ಗೊಂಡಿದ್ದರು. ಪಂಜಾಬ್, ಪಶ್ಚಿಮ ಬಂಗಾಳ, ಕರ್ನಾಟಕ, ಮಹಾರಾಷ್ಟ್ರ, ಕೇರಳ, ಒಡಿಷಾ ಮತ್ತು ತಮಿಳುನಾಡಿನ ಜನರು ಈ ಸಮ್ಮೇಳನದಲ್ಲಿ ಪಾಲ್ಗೊಂಡು “ಚೆನ್ನೈ ಭಾಷಾ ಹಕ್ಕುಗಳ ಘೋಷಣಾ ಪತ್ರ”ವನ್ನು ರೂಪಿಸಿದರು

ಘೋಷಣಾ ಪತ್ರದ ಕನ್ನಡ ಅನುವಾದವನ್ನು ನೋಡಲು ಇಲ್ಲಿ ಕ್ಲಿಕ್ಕಿಸಿ: ಚೆನ್ನೈ ಭಾಷಾ ಹಕ್ಕುಗಳ ಘೋಷಣೆ-20-Sep-2015

ಹಿಂದಿ ಹೇರಿಕೆ ವಿರೋಧಿ ಹೋರಾಟಕ್ಕೆ 50 ವರುಶಗಳು / 50 years of opposition to Hindi imposition

Facebook link to the event: https://www.facebook.com/events/767514256663331/

1965ರಿಂದ ಹಿಂದೀಯನ್ನು ಮಾತ್ರ ಕೇಂದ್ರ ಸರಕಾರದ ಏಕೈಕ ಅಧಿಕೃತ ಭಾಷೆಯಾಗಿಸುವ ನಿರ್ಧಾರವನ್ನು ಭಾರತದ ಸಂವಿಧಾನ ಬರೆಯುವಾಗ ಕೈಗೊಳ್ಳಲಾಗಿತ್ತು. ಹಿಂದೀಯೇತರ ನುಡಿಸಮುದಾಯಗಳ ವಿರೋಧದ ನಡುವೆಯೂ ಕೇಂದ್ರ ಸರಕಾರವು ಈ ಕೆಲಸಕ್ಕೆ ಮುಂದಾದಾಗ, 1965ರಲ್ಲಿ ದೊಡ್ಡಮಟ್ಟದಲ್ಲಿ ಹೋರಾಟ ನಡೆದು, ಹಿಂದೀ ಮತ್ತು ಇಂಗ್ಲೀಷ್ ಎರಡನ್ನೂ ಕೇಂದ್ರ ಸರಕಾರದ ಅಧಿಕೃತ ಭಾಷೆಗಳಾಗಿ ಮುಂದುವರೆಸಲು ತೀರ್ಮಾನಿಸಲಾಯಿತು. ಹಿಂದೀ ಹೇರಿಕೆ ವಿರೋಧಿ ಹೋರಾಟಕ್ಕೆ ಇದೇ ಜನವರಿ 25ರಂದು 50 ವರುಶಗಳು ತುಂಬುತ್ತಿದ್ದು, ಈ ಹೊತ್ತಿನಲ್ಲಿ ಹೋರಾಟದ ನೆನಪುಗಳನ್ನು ಮೆಲುಕು ಹಾಕುತ್ತಾ, ಎಲ್ಲಾ ಭಾಷೆಗಳನ್ನೂ ಸಮಾನವೆಂದು ನೋಡುವ ಭಾಷಾನೀತಿಯ ಅವಶ್ಯಕತೆಯ ಬಗ್ಗೆ ಒಂದು ಚರ್ಚೆ ಹಮ್ಮಿಕೊಳ್ಳಲಾಗಿದೆ.

ಹೆಸರಾಂತ ಸಾಹಿತಿ ಮತ್ತು ಹಿಂದಿ ಹೇರಿಕೆ ಬಗ್ಗೆ ಹಲ ವರುಶಗಳಿಂದ ದನಿ ಎತ್ತಿರುವ ಶ್ರೀ ಪಿ.ವಿ. ನಾರಾಯಣ ಅವರು ಈ ಕಾರ್ಯಕ್ರಮದಲ್ಲಿ ಮಾತನಾಡಲಿದ್ದಾರೆ. “ಹಿಂದೀ ಹೇರಿಕೆ – ಮೂರು ಮಂತ್ರನೂರು ತಂತ್ರ” ಹೊತ್ತಗೆಯ ಬರಹಗಾರರಾದ ಶ್ರೀ ಆನಂದ್ ಅವರೂ ಈ ಕಾರ್ಯಕ್ರಮದಲ್ಲಿ ಮಾತನಾಡಲಿದ್ದಾರೆ.

When the constitution of India was adopted, it was decided that Hindi will remain the sole official language of the union government from 1965 onwards. Non-Hindi speaking communities of India resisted this move strongly. Despite the opposition, when the government of India moved towards adopting Hindi as sole official language, large scale protests erupted across India. This January 25th marks the 50th anniversary of these agitations against Hindi imposition. This event is to recall about the protests against Hindi imposition and also discuss about the importance of the need for a language policy that treats all Indian languages as equal.


Mr. P.V. Narayana, a Kannada littérateur, will be speaking at the event. Mr. P.V.Narayana has long been a voice of opposition to Hindi imposition.


Mr. Anand G, author of Kannada book ‘Hindi herike – mooru mantra nooru tantra’ that talks about perils of Hindi imposition, will also be speaking at the event.