Blog Archives

ಭಾರತಕ್ಕೆ ಬೇಕು ಸಮಾನತೆಯ ಭಾಷಾನೀತಿ

ಸೆಪ್ಟೆಂಬರ್ 13, 2015 ರಂದು ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದಲ್ಲಿ ಏರ್ಪಡಿಸಲಾಗಿದ್ದ “ಭಾರತಕ್ಕೆ ಬೇಕು ಸಮಾನತೆಯ ಭಾಷಾನೀತಿ – ಒಂದು ಚಿತ್ರಪ್ರದರ್ಶನ”ದ ವಿಡಿಯೋ ಇಲ್ಲಿದೆ. ಬನವಾಸಿ ಬಳಗ ಪ್ರಕಾಶನವು ಹೊರತಂದಿರುವ “ಹಿಂದೀ ಹೇರಿಕೆ – ಮೂರು ಮಂತ್ರ, ನೂರು ತಂತ್ರ” ಹೊತ್ತಗೆಯ ಬರಹಗಾರರಾದ ಶ್ರೀ ಆನಂದ್ ಅವರು ಚಿತ್ರಪ್ರದರ್ಶನವನ್ನು ಬಣ್ಣಿಸಿದ್ದಾರೆ.

ಚಿತ್ರಪ್ರದರ್ಶನಕ್ಕೆ ಹಲವಾರು ಜನರು ಭೇಟಿ ಕೊಟ್ಟು, ಸಮಾನತೆಯ ಭಾಷಾನೀತಿಯ ಬಗ್ಗೆ ಮಾಹಿತಿ ಪಡೆದುಕೊಂಡರು. ಅಲ್ಲದೇ, ಸಮಾನತೆಯ ಭಾಷಾನೀತಿಗಾಗಿ ಒತ್ತಾಯಿಸುವ ಪತ್ರಕ್ಕೆ ಸಹಿ ಮಾಡುವ ಮೂಲಕ ತಮ್ಮ ಬೆಂಬಲವನ್ನು ತೋರ್ಪಡಿಸಿದರು. ಚಿತ್ರಪ್ರದರ್ಶನದ ಕೆಲವು ಆಯ್ದ ಚಿತ್ರಣಗಳನ್ನು ಈ ಕೆಳಗಿನ ವಿಡಿಯೋಗಳಲ್ಲಿ  ನೋಡಬಹುದಾಗಿದೆ.

ಸಮಾನತೆಯ ಭಾಷಾನೀತಿ ಚಿತ್ರಪ್ರದರ್ಶನದ ಆಯ್ದ ಚಿತ್ರಣಗಳು – ತುಣುಕು 1

ಸಮಾನತೆಯ ಭಾಷಾನೀತಿ ಚಿತ್ರಪ್ರದರ್ಶನದ ಆಯ್ದ ಚಿತ್ರಣಗಳು – ತುಣುಕು 2

“ಭಾರತಕ್ಕೆ ಬೇಕು ಸಮಾನತೆಯ ಭಾಷಾ ನೀತಿ” ಒಂದು ಚಿತ್ರಪ್ರದರ್ಶನ

ಭಾರತ ಸಂವಿಧಾನದ ಎಂಟನೇ ಪರಿಚ್ಚೇದದಲ್ಲಿ ಗುರುತಿಸಲಾಗಿರುವ ಎಲ್ಲ 22 ಭಾಷೆಗಳನ್ನೂ ಒಕ್ಕೂಟ ಸರಕಾರದ ಅಧಿಕೃತ ಭಾಷೆಗಳನ್ನಾಗಿಸಬೇಕು ಅನ್ನುವ ಮತ್ತು ಸಮಾನ ಭಾಷಾನೀತಿಗಾಗಿ ಒತ್ತಾಯಿಸುವ ಬಗ್ಗೆ ಬನವಾಸಿ ಬಳಗವು, 2015ರ ಸೆಪ್ಟೆಂಬರ್ 13 ಭಾನುವಾರದಂದು ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದ ಆರ್ಟ್ ಗ್ಯಾಲರಿಯಲ್ಲಿ ಚಿತ್ರಪ್ರದರ್ಶನವೊಂದನ್ನು ಹಮ್ಮಿಕೊಂಡಿತ್ತು. ಬೆಳಿಗ್ಗೆ 10.30ರಿಂದ ಸಂಜೆ 4.30ರವರೆಗೆ ನಡೆದ ಚಿತ್ರಪ್ರದರ್ಶನದ ಕುರಿತು ಪತ್ರಿಕೆಗಳಲ್ಲಿ ಮೂಡಿಬಂದ ವರದಿಗಳನ್ನು ಈ ಕೆಳಗೆ ಕಾಣಬಹುದು.

ಸಮಾನತೆಯ ಭಾಷಾ ನೀತಿಗೆ ಟೊಂಕಕಟ್ಟಿದ ಬನವಾಸಿ ಬಳಗ : ಸಂಯುಕ್ತ ಕರ್ನಾಟಕ, 14/09/2015

Samyukta Karnataka - 14-09-2015

ಸಮಾನತೆಯ ಭಾಷಾ ನೀತಿಗೆ ಆಗ್ರಹ  : ಉದಯವಾಣಿ,  14/09/2015

Udayavani-14-09-2015

ಭಾಷಾಭಿವೃದ್ಧಿಗೆ ಕ್ರಿಯಾ ಯೋಜನೆ ಬರಲಿ  : ವಿಜಯ ಕರ್ನಾಟಕ, 14/09/2015

Vijaya Karnataka 14-09-2015.

ಚಿತ್ರಪ್ರದರ್ಶನ : ಭಾರತಕ್ಕೆ ಬೇಕು ಸಮಾನತೆಯ ಭಾಷಾ ನೀತಿ

ಭಾರತ ಸಂವಿಧಾನದ ಎಂಟನೇ ಪರಿಚ್ಚೇದದಲ್ಲಿ ಗುರುತಿಸಲಾಗಿರುವ ಎಲ್ಲ 22 ಭಾಷೆಗಳನ್ನೂ ಒಕ್ಕೂಟ ಸರಕಾರದ ಅಧಿಕೃತ ಭಾಷೆಗಳನ್ನಾಗಿಸಬೇಕು ಅನ್ನುವ, ಸಮಾನ ಭಾಷಾನೀತಿಗಾಗಿ ಒತ್ತಾಯಿಸುವ ಬಗ್ಗೆ ಬನವಾಸಿ ಬಳಗವು, 2015ರ ಸೆಪ್ಟೆಂಬರ್ 13 ಭಾನುವಾರದಂದು ಬೆಂಗಳೂರಿನ ರವೀಂದ್ರ ಕಲಾಕ್ಷೇತ್ರದ ಆರ್ಟ್ ಗ್ಯಾಲರಿಯಲ್ಲಿ ಚಿತ್ರಪ್ರದರ್ಶನವೊಂದನ್ನು ಹಮ್ಮಿಕೊಂಡಿತ್ತು. ಬೆಳಿಗ್ಗೆ 10.30ರಿಂದ ಸಂಜೆ 4.30ರವರೆಗೆ ನಡೆದ ಚಿತ್ರಪ್ರದರ್ಶನದ ಕೆಲವು ಆಯ್ದ ಚಿತ್ರಗಳು ಇಲ್ಲಿವೆ.

42 63 73 13 23 33

ಎಲ್ಲ ರಾಜ್ಯಗಳ ಭಾಷೆಗೂ ಅಧಿಕೃತ ಸ್ಥಾನ ನೀಡಿ

ಸಂವಿಧಾನದ ಎಂಟನೆ ಪರಿಚ್ಛೇದದಲ್ಲಿರುವ ಕನ್ನಡವೂ ಸೇರಿದಂತೆ ಎಲ್ಲ ಭಾಷೆಗಳಿಗೂ ಅಧಿಕೃತ ಭಾಷಾ ಸ್ಥಾನ ನೀಡಬೇಕು ಎಂದು ಹಿಂದಿಯೇತರ ರಾಜ್ಯಗಳು ಕೇಂದ್ರವನ್ನು ಒತ್ತಾಯಿಸಲು ನಿರ್ಧರಿಸಿದೆ. ಈ ಹಿನ್ನಲೆಯಲ್ಲಿ ಚೆನ್ನೈ ನಲ್ಲಿ ನಡೆದ ಭಾಷಾ ಹಕ್ಕುಗಳ ಸಮ್ಮೇಳನದಲ್ಲಿ ಇದರ ಕುರಿತು ಘೋಷಣ ಪತ್ರವನ್ನು ಬಿಡುಗಡೆ ಮಾಡಲಾಯಿತು. ಕರ್ನಾಟಕದ ಬನವಾಸಿ ಬಳಗ ಸೇರಿದಂತೆ ವಿವಿದ ರಾಜ್ಯಗಳ ಹೋರಾಟಗಾರರು ಭಾಗವಹಿಸಿದ್ದರು. ಈ ವಿಷಯ ಕುರಿತು ಉದಯವಾಣಿಯಲ್ಲಿ (29/9/2015uv_29_9_2015_ChennaiDeclaration) ಪ್ರಕಟವಾದ ಅಂಕಣ ನಿಮ್ಮೆಲ್ಲರ ಓದಿಗಾಗಿ.

ಚೆನ್ನೈ ಭಾಷಾ ಹಕ್ಕುಗಳ ಘೋಷಣೆ

ಭಾರತ ಒಕ್ಕೂಟ ಸರಕಾರವು ಹಿಂದಿ ಮತ್ತು ಇಂಗ್ಲೀಷ್ ಭಾಷೆಗಳನ್ನು ಮಾತ್ರ ಅಧಿಕೃತ ಭಾಷೆಗಳೆಂದು ಗುರುತಿಸಿ, ಹಿಂದಿ ಭಾಷೆಯ ಬೆಳವಣಿಗೆಗೆ ಮಾತ್ರ ಹೆಚ್ಚಿನ ಸಂಪನ್ಮೂಲವನ್ನು ಒದಗಿಸುತ್ತಾ ಬಂದಿರುವುದು, ಹಿಂದಿಯೇತರ ನುಡಿಗಳಿಗೆ ಹಲವಾರು ವಲಯಗಳಲ್ಲಿ ಹಿನ್ನಡೆಯನ್ನುಂಟುಮಾಡಿದೆ. ನೇರವಾಗಿ ಜನರ ಒಡನಾಟವಿರುವ ಹಲವಾರು ವಲಯಗಳಲ್ಲಿ ಸಹಜವಾಗಿ ಜನರ ನುಡಿಯೇ ಬಳಕೆಯಾಗಬೇಕಿದ್ದು, ಅಂತಹ ಕಡೆಗಳಲ್ಲಿಯೂ ಹಿಂದಿಯೇತರ ನುಡಿಗಳಿಗೆ ಜಾಗ ಮತ್ತು ಮನ್ನಣೆ ಸಿಗದೇ ಇರುವುದು ಕಂಡುಬರುತ್ತಿದೆ. ಭಾರತ ಸಂವಿಧಾನದ ಎಂಟನೇ ಪರಿಚ್ಛೇದದಲ್ಲಿ ಸೇರ್ಪಡೆಗೊಂಡಿರುವ ಭಾಷೆಗಳಿಗೇ ಇವತ್ತು ಇಂತಹ ಸವಾಲು ಎದುರಾಗಿದ್ದು, ಸಹಜವಾಗಿ ಅ ಎಲ್ಲಾ ಭಾಷಿಕರನ್ನು ಕಳವಳಕ್ಕೀಡುಮಾಡಿದೆ. ಕಡಿಮೆ ಎಣಿಕೆಯ ಭಾಷಿಕರನ್ನು ಹೊಂದಿರುವ ನುಡಿಗಳು ಜಾಗತೀಕರಣದ ಸವಾಲುಗಳು ಮತ್ತು ಭಾರತ ಒಕ್ಕೂಟ ಸರಕಾರದ ಹಿಂದಿ ಹೇರಿಕೆ ನೀತಿಗಳ ಎದುರು, ಎಂದೆಂದಿಗೂ ಮರೆಯಾಗಿ ಹೋಗುವ ಗಂಭೀರ ಪರಿಸ್ಥಿತಿಯನ್ನು ಎದುರಿಸುತ್ತಿವೆ.

ಭಾರತ ಒಕ್ಕೂಟದಲ್ಲಿ ಭಾಷಾ ಹಕ್ಕುಗಳ ಕಡೆಗಣನೆ ನಡೆಯುತ್ತಿದ್ದು, ಹಿಂದಿಯೇತರ ನುಡಿಗಳನ್ನಾಡುವ ಜನರ ಕಳವಳಕ್ಕೆ ಭಾಷಾ ಹಕ್ಕುಗಳ ಕಡೆಗಣನೆ ಮುಖ್ಯವಾದ ಕಾರಣವಾಗಿದೆ. ಈ ಹೊತ್ತಿನಲ್ಲಿ ಭಾಷಾ ಹಕ್ಕುಗಳ ಬಗ್ಗೆ ಜನರಲ್ಲಿ ಜಾಗೃತಿ ಮೂಡಿಸುವ ಸಲುವಾಗಿ, ಮತ್ತು ಭಾಷಾ ಹಕ್ಕುಗಳನ್ನು ಎತ್ತಿ ಹಿಡಿಯುವಂತೆ ಒಕ್ಕೂಟ ಸರಕಾರ ಹಾಗೂ ರಾಜ್ಯ ಸರಕಾರಗಳನ್ನು ಒತ್ತಾಯಿಸುವ ಸಲುವಾಗಿ, ಇದೇ ಸೆಪ್ಟೆಂಬರ್ ತಿಂಗಳ 19 ಮತ್ತು 20ರಂದು ಚೆನ್ನೈನಲ್ಲಿ ’ಭಾಷಾ ಹಕ್ಕುಗಳ ಸಮ್ಮೇಳನ’ವನ್ನು ‘ತಮಿಳು ಮೋಳಿಯುರಿಮೈ ಕೂಟ್ಟಿಯಕ್ಕಂ’ (ತಮಿಳು ಭಾಷಾ ಹಕ್ಕುಗಳ ಒಕ್ಕೂಟ) ವತಿಯಿಂದ ಆಯೋಜಿಸಲಾಗಿತ್ತು. ಸಮ್ಮೇಳನದಲ್ಲಿ ಶೈಕ್ಷಣಿಕ ಮತ್ತು ಭಾಷಾ ಹಕ್ಕುಗಳ ಹೋರಾಟಗಾರರು ಪಾಲ್ಗೊಂಡಿದ್ದರು. ಪಂಜಾಬ್, ಪಶ್ಚಿಮ ಬಂಗಾಳ, ಕರ್ನಾಟಕ, ಮಹಾರಾಷ್ಟ್ರ, ಕೇರಳ, ಒಡಿಷಾ ಮತ್ತು ತಮಿಳುನಾಡಿನ ಜನರು ಈ ಸಮ್ಮೇಳನದಲ್ಲಿ ಪಾಲ್ಗೊಂಡು “ಚೆನ್ನೈ ಭಾಷಾ ಹಕ್ಕುಗಳ ಘೋಷಣಾ ಪತ್ರ”ವನ್ನು ರೂಪಿಸಿದರು

ಘೋಷಣಾ ಪತ್ರದ ಕನ್ನಡ ಅನುವಾದವನ್ನು ನೋಡಲು ಇಲ್ಲಿ ಕ್ಲಿಕ್ಕಿಸಿ: ಚೆನ್ನೈ ಭಾಷಾ ಹಕ್ಕುಗಳ ಘೋಷಣೆ-20-Sep-2015

81ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಹಿಂದಿ ಹೇರಿಕೆಯ ಕುರಿತು ಚಿತ್ರಪ್ರದರ್ಶನ

ಶ್ರವಣಬೆಳಗೊಳದಲ್ಲಿ ಫೆಬ್ರವರಿ 1, 2, 3ರಂದು ಜರುಗಿದ 81ನೇ ಅಖಿಲ ಭಾರತ ಕನ್ನಡ ಸಾಹಿತ್ಯ ಸಮ್ಮೇಳನದಲ್ಲಿ ಬನವಾಸಿ ಬಳಗದ ವತಿಯಿಂದ ಹಿಂದಿ ಹೇರಿಕೆಯ ಕುರಿತು ಜನರಲ್ಲಿ ಜಾಗೃತಿ ಮೂಡಿಸಲು ಚಿತ್ರಪ್ರದರ್ಶನವೊಂದನ್ನು ಆಯೋಜಿಸಲಾಗಿತ್ತು. ಸಮ್ಮೇಳನದ ಮೂರೂ ದಿನ ಸಾವಿರಾರು ಸಂಖ್ಯೆಯಲ್ಲಿ ಪಾಲ್ಗೊಂಡ ಜನರು ಆಸಕ್ತಿಯಿಂದ ಹಿಂದಿ ಹೇರಿಕೆಯ ವಿಷಯಗಳನ್ನು ಕೇಳಿ ತಿಳಿದುಕೊಳ್ಳುತ್ತಾ ಭಾಷಾ ಸಮಾನತೆಗಾಗಿ ಹಕ್ಕೊತ್ತಾಯ ಮಂಡಿಸುವ ಸಹಿ ಅಭಿಯಾನಕ್ಕೆ ಸಹಿ ಮಾಡುವ ಮೂಲಕ ತಮ್ಮ ಬೆಂಬಲ ಸೂಚಿಸಿದರು. ಮಕ್ಕಳು, ಹಿರಿಯರು, ಶಿಕ್ಷಕರು, ಪೊಲೀಸರು, ಸರ್ಕಾರಿ ನೌಕರರು, ರಾಜಕಾರಣಿಗಳು, ಸಾಹಿತಿಗಳು, ಚಿಂತಕರು, ಪತ್ರಕರ್ತರು – ಹೀಗೆ ಹಲವು ವಲಯಗಳ ಜನರು ಚಿತ್ರಪ್ರದರ್ಶನದ ಚಿತ್ರಗಳನ್ನು ನೋಡಿದರು. ನಮ್ಮ ಚಿತ್ರಪ್ರದರ್ಶನದ ಮೂಲಕ ಹಿಂದಿ ಹೇರಿಕೆಯ ವಸ್ತುಸ್ಥಿತಿಯನ್ನು ತಿಳಿಯುತ್ತಾ, ಜನರು ಕೇಂದ್ರ ಸರ್ಕಾರದ ಹಿಂದೀ ಹೇರಿಕೆ ನೀತಿಯನ್ನು ಖಂಡಿಸುತ್ತಿದ್ದುದು ಸಹಜವಾಗಿ ಕಾಣುತ್ತಿತ್ತು. ಸಮ್ಮೇಳನದ ಮೂರನೆಯ ದಿನದ ಕೊನೆಯ ಹೊತ್ತಿಗೆ ಸಹಿ ಸಂಗ್ರಹ ಅಭಿಯಾನಕ್ಕೆ ಒಟ್ಟು ಸುಮಾರು ಆರುನೂರಕ್ಕಿಂತ ಹೆಚ್ಚು ಸಹಿಗಳ ಸೇರ್ಪಡೆಯಾದವು. ಈ ಚಿತ್ರಪ್ರದರ್ಶನದ ಕೆಲ ನೋಟಗಳು ಇಲ್ಲಿವೆ:

 

Side view

ಚಿತ್ರ ಪ್ರದರ್ಶನದ ಒಂದು ನೋಟ

Kum Veerabhadrappa discussing with Anand

ಹೆಸರಾಂತ ಸಾಹಿತಿ ಕುಂ ವೀರಭದ್ರಪ್ಪನವರಿಗೆ “ಹಿಂದಿ ಹೇರಿಕೆ – ಮೂರು ಮಂತ್ರ – ನೂರು ತಂತ್ರ” ಹೊತ್ತಗೆಯ ಬರಹಗಾರರಾದ ಆನಂದ್ ಅವರು ಹಿಂದಿ ಹೇರಿಕೆಯ ಕುರಿತ ಮಾಹಿತಿ ನೀಡುತ್ತಿರುವುದು.

 
Nalluru Prasad signing the petition

ಕನ್ನಡ ಸಾಹಿತ್ಯ ಪರಿಷತ್ತಿನ ನಿಕಟಪೂರ್ವ ಅಧ್ಯಕ್ಷರಾದ ಶ್ರೀ ನಲ್ಲೂರು ಪ್ರಸಾದ್ ಅವರು, ಸಮಾನ ಭಾಷಾನೀತಿಗಾಗಿ ಹಕ್ಕೊತ್ತಾಯ ಮಂಡಿಸುವ ಸಹಿ ಅಭಿಯಾನಕ್ಕೆ ಸಹಿ ಮಾಡುತ್ತಿರುವುದುದು

 
People watching exhibition

ಚಿತ್ರ ಪ್ರದರ್ಶನವನ್ನು ನೋಡುತ್ತಿರುವ ಜನ ಸಾಮಾನ್ಯರು